إذا تركت الصفحة فاضية، يعرض التطبيق أحدث الأفلام والمسلسلات المضافة في نفس المكان.

إعلان من تصميمك يطلع أول إعلانات الرئيسية خلال الفترة اللي تحددها: لوقو وخلفية ووصف، وموعد عليه شارة LIVE، وزر تشغيل يشغّل القناة اللي تختارها (يظهر اسم الحدث بدل اسم القناة ولوقوها).

العنوان (عربي) Title (English) الوصف (عربي) Description (English) موعد الحدث القناة يظهر من يختفي في

اللوقو (PNG شفاف)

الخلفية (16:9)

حفظ الحدث إلغاء

بدون كلمة بحث يعرض آخر المضاف. اضغط على العمل لإضافته للصفحة المختارة.

اختر المسلسلات بنفسك ورتّبها (لين 10)، أو فعّل «الترتيب الرسمي» عشان ياخذ أعلى الكوميديا تقييماً في TMDB من اللي موجود عندك في العالمي. إذا شلت العلامة ترجع اختياراتك مثل ما هي. إذا ما اخترت شي، التطبيق يرتّبها حسب التقييم.

الصفوف تطلع في التطبيق بنفس هذا الترتيب. حرّكها بالأسهم، واحذف أو أضف من تحت (مثل «العوالم السينمائية» و«دع الحظ يختار») في أي صفحة. اترك الاسم فاضي عشان يطلع الاسم الافتراضي.

إضافة صف

🌙 فيلم الليلة

فيلم واحد لكل يوم يشوفه كل المستخدمين بنفس الوقت، ويتغير الساعة 12 بالليل. اختار أفلام لأي أيام تبيها (أسبوع أو أكثر)، وكل يوم يخلص ينحذف بروحه.

• اليوم اللي ما اخترت له شي: يختار فيلم عشوائي من الأفلام العالمية (الإنجليزي) بس، ويكون نفسه للكل طول اليوم.
• اختيارك أنت: من أي مكتبة (عالمي، عربي، أنمي…).

إضافة فيلم

اختر قسم من فوق أو ابحث، واضغط على الفيلم عشان ينحط في اليوم المختار. بعد كل إضافة ينتقل التاريخ لليوم اللي بعده، فتقدر تعبي أسبوع كامل بسرعة. الأفلام المجدولة عليها ✓.

📺 مسلسل الأسبوع

مسلسل واحد لكل أسبوع (من الأحد إلى السبت) يشوفه الكل في صفحة المسلسلات ← المميز، مع عداد لين نهاية الأسبوع. اختار لأي أسابيع تبيها، وكل أسبوع يخلص ينحذف بروحه. الأسبوع اللي ما اخترت له شي: مسلسل عشوائي من المسلسلات العالمية تقييمه 7.5 وفوق، ونفسه للكل طول الأسبوع.

أي تاريخ تختاره يتحول لأحد ذاك الأسبوع. بعد كل إضافة ينتقل للأسبوع اللي بعده.

البوستر واللوقو والخلفية لأهم الأعمال (الإعلانات، التوب 10، الرائج) أو أي عمل تبحث عنه. اضغط على أي صورة عشان تختار بديل من الإنترنت (TMDB و fanart) أو ترفع من جهازك. الخلفيات اللي «بدون كتابة» هي الأنسب للإعلانات. التغيير يوصل للتطبيق بروحه.

كل أعمال القسم. «غير متعرّفة» يعني إمبي ما ربطها بأي عمل (ما لها رقم TMDB أو IMDb). اضغط «تعريف» وابحث بالاسم أو برقم TMDB / IMDb واختار العمل الصح. «جلب الصور الناقصة» يجيب اللي ناقص بس وما يغيّر الصور اللي عدلتها.

المسلسلات اللي ما خلصت في مكتبتك: المواسم الناقصة، واللي انطلب منها، وموعد الحلقة الجاية، وعلامة «يبدأ قريباً» إذا الحلقة الجاية أول حلقة في موسم جديد. القائمة تتحدّث كل أسبوع (أو بزر «تحديث الآن»). اختر البروفايل واضغط «اطلب الناقص» عشان ينطلب من Seerr.

الأفلام والمسلسلات اللي نزلت وتكمّل ترتيب العوالم (مارفل، دي سي، حرب النجوم…) بس مو موجودة في المكتبة. أول ما تضيفها لـ Emby تختفي من هنا وتطلع في التطبيق بمكانها الصح. زر «بحث في Seerr» يفتح Seerr على اسم العمل عشان تطلبه.

موديل ذكاء اصطناعي شغّال على السيرفر نفسه (Gemma 3)، ببلاش. يترجم من الترجمة الإنقليزية بنفس التوقيت، بالفصحى وبشكل الترجمات العربية (الشرطة للمتحدثين، الأسماء بين علامات تنصيص). يعرف الشخصيات (ذكر/أنثى) والقصة لكل مسلسل. بالنهار يشتغل على المعالج بهدوء، وبالليل على كرت الشاشة إذا ما أحد يشوف قناة.

الإعدادات

اللي تستعجله يدخل أول الطابور ويتترجم على طول، بدون انتظار، حتى لو «يترجم بروحه» مطفّى. تقدر تستعجل مسلسل كامل أو موسم أو حلقة. اللي فيه ترجمة عربية أصلاً يتخطاه.

الطابور

آخر الترجمات

اضغط على أي واحدة عشان تشوف الإنقليزي جنب العربي.

لكل سطر ترجمتين: وحدة من مترجم محترف ووحدة من الذكاء الاصطناعي، بترتيب عشوائي. اختار اللي تظنها ذكاء اصطناعي. إذا صرت تخمّن (حول 50%) أو تختار «ما أقدر أفرق» وايد، يعني الترجمة صارت ما تبين إنها ذكاء اصطناعي.

القنوات اللي تنشغل الحين مباشرة من مصدرها بدون Emby. كل قناة لها اتصال واحد بس ويركب عليه كل اللي يشوفونها؛ اللي يطلع ينشال بروحه، والقناة تتسكر بعد 10 ثواني من طلعة آخر واحد.

نفس القنوات المفعّلة بـ Emby بس، ولا شي زيادة. الترتيب هني يحدد ترتيب المصادر بالصفحة، والمصدر الموقوف ترجع قنواته تشتغل عن طريق Emby مثل قبل. لو المصدر ما رد، القناة تشتغل من Emby تلقائياً.

الأرقام تطلع بالتطبيق والموقع، والقنوات تترتب عليها: قنواتنا SMtv من 1، الكويتية والمحلية من 101، الرياضة من 201، والباقي من 301. غيّر أي رقم، وفضّيه عشان يرجع تلقائي. شيل علامة «ظاهرة» عن أي قناة عشان تنخفي من التطبيق والموقع (تظل بـ Emby مثل ما هي).

أي مسلسل أو أنمي صار له أسبوعين وأكثر يدوّر ترجمة عربية بـ Bazarr وما لقى، ينشال من Bazarr تلقائياً وينضاف هني (يتشيك كل 6 ساعات). اضغط «ترجمها» عشان يترجمه مترجمنا المحلي حلقة حلقة، واللي يخلص ينشال من القائمة بروحه. إذا نزلت للمسلسل حلقة جديدة، يرجع Bazarr يدوّر لها ترجمة رسمية أسبوعين.

إذا حلقة أو فلم صار له 4 أيام بدون ترجمة عربية، الخدمة تترجم الترجمة الإنقليزية بالذكاء الاصطناعي (بنفس التوقيت) وتحفظها باسم «عربي (ذكاء اصطناعي)». قبل الترجمة تجهّز لكل مسلسل ملف فيه الشخصيات (ذكر/أنثى) والأسماء والقصة عشان ما تخربط بين هو وهي وأنتَ وأنتِ. بازار يكمل يدوّر، وأول ما تنزل ترجمة حقيقية تنمسح ترجمتنا. إذا وصل الصرف للحد الأعلى توقف لين الشهر الجاي.

الإعدادات

اضغط على أي واحدة عشان تشوف الإنقليزي جنب العربي.

خدمة SHOWMAX-Markers تمر على كل المسلسلات موسم موسم: تقارن صوت الحلقات ببعض عشان تلقى المقدمة، وتلقى الشارة من شاشة الأسماء أو أغنية النهاية. الحلقات الجديدة تتحلل بروحها، واللي ينشاف وللحين ما تحلل يتقدّم بالدور.

«حلّل الحين» يحط المسلسل كامل أول الطابور، بعد المسلسل اللي يشتغل عليه الحين (ولو كان متحلل يعيده). أي مسلسل يبدأ فيه يخلصه كامل قبل لا ينتقل لغيره. «الحلقات» يعرض وقت المقدمة والشارة لكل حلقة.

آخر المواسم اللي تحللت

مدة الرحلة 6 شهور. «تجديد» يضيف 6 شهور من تاريخ النهاية (أو من اليوم إذا انتهت). بعد أي بداية أو تجديد يطلع للمستخدم إشعار مرة وحدة أول ما يفتح التطبيق، وآخر 7 أيام يطلع له كل يوم كم باقي. الولاء: 3 رحلات ورا بعض (مسموح 30 يوم بين نهاية رحلة وتجديدها) = 3 شهور هدية تنضاف أوتوماتيك. التعديل والهدية اليدوية من «تعديل».

كل الأجهزة المسجّلة دخول بكل حساب، من تطبيق SHOWMAX أو تطبيقات امبي. «مسح» يسجّل خروج الجهاز، ولو كان يشغّل شي يوقفه. عشان يرجع يدخل يحتاج اسم المستخدم وكلمة المرور.

كل حساب في Emby يقدر يسوي لين 5 بروفايلات داخل التطبيق (منها حسابه الأساسي)، ولكل بروفايل قائمته ومتابعة مشاهدته وإعدادات الترجمة والصوت. البروفايلات محفوظة هنا بس، Emby ما يدري عنها ولا تزيد عدد الأجهزة. البروفايل الأساسي هو حساب Emby نفسه: ما ينحذف ولا يتغير اسمه، بس يقدر يكون عليه PIN خاص بالتطبيق. عدد المشاهدات بنفس الوقت يتبع حد الحساب في Emby (Simultaneous streams)، لكل البروفايلات مع بعض.

صور البروفايلات

الصور اللي يختار منها المستخدمين صورة بروفايلهم. أي صورة ترفعها تنقص مربع من الوسط وتصغر لـ 320×320، وتنعرض دائرية في التطبيق وهنا (الأفضل تكون الشخصية بالنص). الصورة الافتراضية تبقى دايماً.

يشاهد الآن

لوقو التطبيق

يطلع فوق في التطبيق بدل كلمة SHOWMAX. الأفضل PNG بخلفية شفافة، بعرض 600 بكسل تقريباً. الحد الأقصى 5MB.

ما فيه لوقو، يطلع النص SHOWMAX

أيقونة التطبيق

الأيقونة اللي تطلع في قائمة تطبيقات التلفزيون. الأيقونة: مربعة 512×512 أو أكبر. البانر (لأندرويد TV): 16:9، مثلاً 1280×720، وإذا ما رفعته يتسوّى من الأيقونة. التغيير يطلع في التحديث الجاي بعد ما ينبني التطبيق.

الأيقونة

رفع

البانر

رفع

فيه أيقونة جديدة ما دخلت في نسخة منشورة للحين.

صف كرانشيرول في تبويب الأنمي

مفعّل

صف بثيم كرانشيرول في تبويب «أنمي» (المسلسلات وأفلام الأنمي): أعمال الأنمي اللي في مكتبتك وموجودة على منصة كرانشيرول (من TMDB عن طريق Seerr، تتحدث كل 6 ساعات). يعرض أول 15 عمل وبعدها سهم يفتح صفحة كرانشيرول الكاملة. رتّب مكانه بين صفوف التبويب بالأسهم.

جدول كل مباريات كرة القدم المباشرة على قنوات beIN SPORTS العربية اللي عندك (من جدول beIN الرسمي). بشكل تلقائي ما يطلع إلا البطولات القوية والمباريات اللي فيها فريق كبير (تقدر تغيّرها من «قواعد العرض» تحت). من الجدول تختار بنفسك: عرض يطلّعها في صفحة البث المباشر، والرئيسية يطلّعها بعد في إعلانات الصفحة الرئيسية. التطبيق يعرض مباريات اليوم وبكرا بس (وإذا ما فيه، أول 3 مباريات جاية)، واللي حاطها بالرئيسية تبقى. زر التشغيل يظهر قبل البداية بنص ساعة لين نهايتها. كل الأوقات بتوقيت الكويت.

لكل بطولة في الجدول: كل المباريات، أو الكبار بس (المباريات اللي فيها فريق أو منتخب من القائمة)، أو ولا شي. اختيارك على أي مباراة من الجدول فوق يغلب القاعدة.

الفرق والمنتخبات الكبيرة

بالإنجليزي، كل اسم بسطر (نفس الاسم اللي يطلع بالجدول).

«+ الرئيسية» على أي مباراة أو حدث يخليه يطلع بعد في إعلانات الصفحة الرئيسية. إعلان من تصميمك لحدث بموعد محدد (مثلاً حفل أو مباراة على قناة ثانية). يطلع قبل موعده بالأيام اللي تحددها ويختفي بعد نهايته.

برنامج يتكرر بنفس الوقت (مثلاً أخبار الساعة 9 على تلفزيون الكويت). يطلع إعلانه دايماً بموعده الجاي، وتقدر تختار أيام الأسبوع.

القنوات تطلع تحت الإعلانات مقسّمة بهذا الترتيب. غيّر اسم القسم، وحرّك الأقسام والقنوات بالأسهم، وانقل أي قناة لقسم ثاني من القائمة اللي جنبها. القنوات اللي ما لها قسم تطلع آخر شي تحت «قنوات أخرى». الأقسام التلقائية تمشي على أرقام القنوات من صفحة «مصادر القنوات» (قنواتنا SMtv أول)، والرقم مكتوب على كل قناة؛ والقنوات المخفية هناك ما تطلع هني.

تطلع في الرئيسية تحت الإعلانات لكل المستخدمين. إذا ما حددت وقت تظل موجودة لين تحذفها، وإذا فيه أكثر من رسالة تتبدل كل كم ثانية.

بدل الممثلين والنوع: تُقارن قصة كل عمل (ملخص TMDB وكلماته المفتاحية) بنموذج نصي صغير يعمل داخل الأدمن بدون إنترنت. القوائم تُحسب مرة وتُحفظ، وتُحدَّث للأعمال الجديدة مرة يومياً تلقائياً. التطبيق يستخدمها في «أعمال مشابهة» واقتراحات البحث.

تُحسب داخل الأدمن كل 6 ساعات من بيانات عامة على الإنترنت: الرائج عالمياً على TMDB (أسبوعي ويومي) والأكثر شعبية، مع تقييمات IMDb وRotten Tomatoes (النقاد والجمهور) وحداثة العمل، ومن الأعمال الموجودة في مكتبتك فقط. التطبيق يعرضها في صفوف «أفضل 10» و«الرائج»، ولا تعتمد على ChatGPT أو قوائم خارجية.

هل ما زلت تشاهد؟

إذا ما انضغط أي زر بالريموت للمدة اللي تحددها، يطلع سؤال «هل ما زلت تشاهد؟» مع عد تنازلي، وإذا خلص العد وما ضغط شي يتسكر المشغل وتنتهي جلسة المشاهدة. البث المباشر ما يسأل أثناء مباراة معروضة بصفحة اللايف على نفس القناة، يأجل لين تخلص. الأفلام ما تنسأل إلا إذا كانت موقفة. حط 0 عشان تطفي أي واحد منها.

الطلبات (Seerr)

التطبيق يعرض صفحة «طلبات» من Seerr ويطلب باسم كل مستخدم (بنفس حدوده). المفتاح تلقاه في Seerr ← Settings ← General ← API Key، ويتحفظ هنا بس وما يوصل للتطبيق.

تقييم IMDb

التطبيق يعرض تقييم IMDb الحقيقي (من خدمة OMDb) مكان التقييم القديم في صفحة العمل والإعلانات، والأعمال اللي ما لها تقييم IMDb يطلع لها القديم. سجّل مفتاح مجاني من omdbapi.com ← API Key (يوصلك على الإيميل ويحتاج تفعيل من الرابط اللي فيه). التقييم ينجاب أول مرة تنفتح صفحة العمل وينحفظ أسبوع، فالمفتاح المجاني (1000 طلب باليوم) يكفي. المفتاح يتحفظ هنا بس وما يوصل للتطبيق.

Dispatcharr

عشان صفحة «مصادر القنوات» تبين لاينات المزوّد (كم قناة شغالة على كل لاين من حدّه). المفتاح تسويه في Dispatcharr ← Settings ← Users ← API Key، ويتحفظ هنا بس وما يطلع بالصفحة ولا يوصل للتطبيق.

تحديثات التطبيق

من عنده نسخة أقدم من المسموحة يتقفل عليه التطبيق على شاشة «تحديث مطلوب» لين يحدّث (يشتغل من النسخة 1.3.5 وطالع).

التطبيق يفحص التحديث كل ما ينفتح، وإذا فيه نسخة أحدث يعرض على المستخدم يحدّث.

إذا انقفل التطبيق فجأة عند أحد، يوصل التقرير هنا أول ما يفتح التطبيق مرة ثانية.